Skip to content

December 25, 2012

2

Ramil P. Martinez & Stephen Louie R. Checa, mga Busalian sa PADYA KINARAY-A ’12

by Pangga Gen

Mrs. Jazmin B. Josue, Fr. Martin N. Laurio, Genevieve L. Asenjo, Ramil P. Martinez.

Mrs. Jazmin B. Josue, Fr. Martin N. Laurio, Genevieve L. Asenjo, Ramil P. Martinez.


Ginpadyaan ang panaysayun nga “Sikad Pa-Bicol” ni Ramil P. Martinez, taga-San Jose, Antique kag sangka empleyado sa Hall of Justice kang probinsya kag aktibo nga myembro kang The Antique Outdoors (TAO) bilang Tagdaug kang Padya Genevieve L. Asenjo sa Pagsulat sa Kinaray-a 2012. Napangulintasan tana kang Medalya ni Maniwantiwan, nakabaton kang Sertipiko sa anang titulo bilang Busalian sa Pagsulat sa Kinaray-a, kag 10,000.00.
Si Ramil P. Martinez, gabasa kang pinanid kang  "Sikad Pa-Bicol."

Si Ramil P. Martinez, gabasa kang pinanid kang “Sikad Pa-Bicol.”

Para sa Padya Randy M. Tacogdoy sa Binalaybay, ginpadyaan ang koleksyon, “Kalipay kang Gin-angga kag iba pa nga Binalaybay,” ni Stephen Louie R. Checa kang Hamtic, Antique nga sangka DJ sa Radyo Natin 91.7 FM. Nakabaton tana kang Sertipiko para sa anang titulo kag 5,000.00.

Si Stephen Checa, gabasa ka anang binalaybay.

Si Stephen Checa, gabasa ka anang binalaybay.


Tagdaug man si Gil S. Montinola kang Mina, Iloilo, sangka maestro, para sa anang koleksyon “Sangka Adlaw nga Paghanduraw kag Iba pa nga Binalaybay.” Amo man ang isara pa ka manunudlo, si Linda “Deding” Arnaez-Lee kang San Jose, Antique nga kadya gauli run sa Busan, South Korea. Ang anang panaysayun nga “Pilipin Ajumma” amo man ang nangin pinaka-sikat sa mga manugbasa kang Balay Sugidanun. Nakabaton sanda kang Sertipiko, 500.00 kag mga libro. Nangin representante ni Deding anang hinablos nga si Kristine Macatigos. Ginbasa ang pinanid ka anang panaysayun ni Faith Asenjo-Laurio.
Si Gil S. Montinola, gabasa ka anang binalaybay.

Si Gil S. Montinola, gabasa ka anang binalaybay.


Natigayon ang programa-pasidungog kang Padya Kinaray-a II sa bulig kang mga manunudlo kang 33 ka eskwelahan halin kinder hasta elementarya kang Distrito kang Tobias Fornier sa pagpamuno ni Mrs. Jazmin B. Josue. Ginhiwat dya sa Dao Social Hall kang 2:00 sa hapon hasta 5:00 kang Disyembre 24, 2012.

Nagbukas dya sa pangamuyo-binalaybay ni Fr. Martin N. Laurio. Ginsundan kang pagkanta sa Kinaray-a kang Dao Teachers’ Choir. Nagbasa ka mga pinanid ka andang sinulatan ang mga tagdaug. Nagkanta man si Florentino “Nonong” Egida, isara sa mga tatay kang Original Kinaray-a Music (OKM) nga maga-launch ka anang una nga solo nga album, Laragway, sa Disyembre 29, alas 5:00 sa hapon sa Gaisano Mall, San Jose, Antique.

Programa.

Programa.


Ginbaton kang Distrito ang sangka karton kang libro nga donasyon kang Cultural Affairs Office kang Embassy kang United States sa Manila. Nagpa-raffle man sa mga tumalambong nga mga manunudlo kang mga libro halin sa personal library kang Balay Sugidanun kag donasyon kang mga abyan nga mga manunulat parehas nanday Glenn Sevilla Mas, Jerry Torres, kag Early Sol Gadong.

Nagtambong man ang iba pa nga mga manunulat sa Kinaray-a parehas nanday Ma. Felicia “Acay” Flores, Cor Marie Villojan Abando, kag Norman Darap, ang Busalian sa Padya Kinaray-a 2011.

Glenn Mas, Norman Darap, Mrs. Jazmin Josue, Gen Asenjo, Ma. Felicia Flores, Stephen Checa, Ramil Martinez, Gil Montinola, Fr. Martin Laurio.

Glenn Mas, Norman Darap, Mrs. Jazmin Josue, Gen Asenjo, Ma. Felicia Flores, Stephen Checa, Ramil Martinez, Gil Montinola, Fr. Martin Laurio.


Si Glenn Sevilla Mas, sangka hangkilan nga manunulat kag personalidad sa teatro, propesor sa Ateneo de Manila University, kag bantog nga host kang Lin-ay kang Antique, ang nag-emcee sa programa. Nagtakup ang kahiwatan sa sangka salo-salo kang mga pagkaun parehas kang alupe, tinanuk nga kamote, puto, huwad-huwad nga ginhanda kang mga manunudlo, kag bihon nga gin-amot ni Deding Arnaez-Lee.
Si Glenn Sevilla Mas, emcee.

Si Glenn Sevilla Mas, emcee.


Salamat kay Pearl Joy Asenjo sa mga litrato.

Salamat sa tanan nga mga manugbasa, manugbisita, mga nagbulig kag nagtambong. Hasta sa duro pa nga liwan!

Advertisements
2 Comments Post a comment
  1. linda Arnaez
    Dec 25 2012

    Duro man nga salamat. ^^

Trackbacks & Pingbacks

  1. ‘Bike to Bicol’ (The Sequel) by Ramil P. Martinez | Balay Sugidanun

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Note: HTML is allowed. Your email address will never be published.

Subscribe to comments