'Gusto ko man maagto raad kag magsinggit liwan, patas kang pag-agto ko sa One Million March sa Luneta. Ugaring may obra pa ako nga dapat tapuson. Para may ipadara kay nanay, para may allowance ang akon darwa ka bugto nga naga-eskwela. Para padayon nga may matugro, paagi sa tax, sa atun pungsod.'
Tag: KINARAY-A (PANAYSAYUN)
‘Ang Pagpatawad’ ni Elma ‘Nenen’ Ayson-McKeown
Kun may gina-indian kita sa atun pamilya, paano ang pagpabag-o? Indi dya magic, pero may suhestyon man kanatun ang Dios. Amo dya ang paggamit kang pito ka tinaga nga makatugru kang kamayad sa adlaw-adlaw natun nga pagkabuhi. Ang paghimo kada adlaw makadara kang katingalahan nga resulta ukon himala. Dyang pito ka tinaga amo ang pagpatawad, pagpakamaayo, pagrespeto, pagpangako, pagsimba, paghigugma kag pagpakamatuod. Epektibo gid dya kun atun ikabuhi.
Binayle Paayaw-ayaw (Ang Kabuhi sa Baryo#4)
Dekada 80-90, pantalon ang suksok para sa binayle. Bawal ang shorts. Wara ruman it may naga-bestida kag naga-palda, ilabi na bangud manglatas pa kang taramnanan maka-agto lang sa binayle sa pihak nga baryo. Grade 5 ako kang una makasunod sa binayle sa pihak-barangay. Hay may pantalon run, kag bangud imaw sanday Tatay kag Nene. Ice, ice, baby ang uso nga tukar, kag huod, may crush ako, basketball player, sa paramaylehan nga barangay.
Lagaw sa Hardin kang Diyos sa Colorado Springs
May terasa rugya diin makapa-litrato kag labi pa nga makapa-Wow kanimo sa kanami nga view, sa guwa man ukon sulod. Manami man ang andang gift shop nga may pirilian ikaw kang mga Native American pottery kag jewelry, geology gifts, books, apparel kag keepsakes. Ang nagustuhan ko amo ang pinakamatahum nga photographed landscapes ka Colorado samtang nagakaun sa glassed in cafe ukon halin sa terrace nga galantaw ka park. Sa diin pa abi ikaw makaun sa sulud kang postcard?
Ang Retrato Kauna & Kadya ni Joselito “Pajo” Padulla
Luwas sa mga pamayo o kun pamiste kauna, naobserbaran ko nga wara gawa ti iba nga posing ang mga tawo kun magpakodak kato anay. Kalabanan sa mga laki may sigarilyo sa baba kag tiso lang kun magtindog o kun magpungko. Kag talagsa lang gid sa malaka ikaw makakita kang daan nga retrato nga may nagangirit. Haros tanan pormal nga nagaturok sa kamera kag kun kis-a gani daw haros nagadumot pa nga matarom kun magturok.
Balay Sugidanun 