Panawagan: Blog sa Balay kang inyong Bakasyon sa Probinsya

Blog sa Balay Sugidanun kang inyong handumanan kag eksperyensya kang Bakasyon sa Probinsya

Pagsakay sa barko ukon eroplano pauli sa banwa ukon baryo? Picnic sa binit-baybay, parigos sa dagat imaw ang pamilya, mga paryente-kasimaryo-abyan? Patuklad sa bukid, panaka kang kahoy, ilabi na para sa sirigwelas kag lumboy? Pagduldol kang tikamas sa asin, pag-ikib kang sandiya, dara puropasiplat sa crush sa pihak nga cottage sa beach resort kang magpaurihi kamo uli? Night-swimming, kag ang una nga kiss?

I-blog ang duro pa nga una kag urihi sa mga handumanan kang mga bakasyon sa probinsya.

Sa Kinaray-a, 300-1000 tinaga.

Dapat may pamagat. Nami kon may abay nga picture.

Mapili ako [indi tanan nga mapadara mahimo ma-post] kag mahimo ibalik ko anay para sa rebisyon antes ma-post.

Mapili man kang tatlo (3) ka pinaka-nami kag popular nga kontribusyon para matugruan ka libro ni Pangga, kag iba pa nga sorpresa nga regalo.

I-email sa vvasenjo@gmail.com halin Marso 15 hasta Mayo 15.

Ilakip ang masunod nga mga impormasyon: Ngaran, Adres, kag hasta tatlo (3) ka interesante nga detalye parte kanimo.