Luwas sa mga pamayo o kun pamiste kauna, naobserbaran ko nga wara gawa ti iba nga posing ang mga tawo kun magpakodak kato anay. Kalabanan sa mga laki may sigarilyo sa baba kag tiso lang kun magtindog o kun magpungko. Kag talagsa lang gid sa malaka ikaw makakita kang daan nga retrato nga may nagangirit. Haros tanan pormal nga nagaturok sa kamera kag kun kis-a gani daw haros nagadumot pa nga matarom kun magturok.
Tag: Antique
Ang Kabuhi sa Baryo #2
Wara dya it kahulugan. Indi kinahanglan may kahulugan ang tanan nga butang kag hitabo. Sanag lamang dyang sirak kang adlaw. Pero andut kun kaisa, nagapakuno-kuno nga may iba pa nga pulos. Nagaiwag, daw bituon nga may integridad bangud may istorya nga naggiya anang kasanag sa Tatlo ka Hari. Daw pareho lang nga makapatubo dya kang tanum, hasta maglambu kag manaringsing kag manghumut kang bulak.
“Laragway,” Original Kinaray-a Music (OKM) Album ni Nonong Egida
Laragway ang titulo kang bag-o nga album kang Original Kinaray-a Music (OKM) ni Nonong Egida nga gin-prodyus kang Binirayan Records kang Disyembre 2012. "Laragway" man ang titulo kang una nga kanta sa 10 ka track. Ginkanta dya ni Lindsay Hernaez. Pamilyar ako sa dyang kanta bangud isara si Nonong sa ginakabig nga Tatay kang OKM…
Continue reading ➞ “Laragway,” Original Kinaray-a Music (OKM) Album ni Nonong Egida
Ang Kabuhi sa Baryo #1
Nagabutlak ang adlaw sa tunga kang mga bukid kag nagasulud ang sirak sa akun kwarto paagi sa paglusut sa mga dahon kang kawayan sa likod-balay. Rugto sa Igtuba halin dyang sirak kang adlaw, diin may mga puno kang lumboy kag mga tag-as nga hilamon. Rugto ang paranggasan namun kang mais, kang mani, kang melon. Kang…
1st Flight Pauli (Tiraw sa pag-blog Live samtang On the Move)
Rugya run sa Balay! 9:32 a.m. Mga sang-oras dun ako nakaabot. Kon dire-diretso, mga sobra lang gid man sa darwa ka oras halin sa airport sa Santa Barbara sa Iloilo hasta rugya kanamun sa uma sa bukid kang Dao sa Antique. Mga tatlo ka oras kag tunga kon idugang ang 45 minutes nga flight halin…
Continue reading ➞ 1st Flight Pauli (Tiraw sa pag-blog Live samtang On the Move)
Balay Sugidanun 