“No, I’m a professor,” hambal ko dara pataas kang akën kiray. Wara ako it problema sa mga seaman. Ang Tatay ko, kapitan kang barko. Kag rakë ako mga paryente nga seaman. Pero ang immigration officer sa Copenhagen, wara man it tono kang malisya ang pagpamangkot na. “No. I will visit my sister in Sweden,” sabat ko nga daw Lin-ay kang Antique ang yëhëm. Ginsëlëng na ang akën visa kag ang akën itsura. Gin-scan na dya kag dasig nga gintatakan kag ginbalik kanakën ang passport ko. “Thank you,” hambal ko kag nagpanaw nga daw prinsesa halin sa sangka pobre nga kaharian sa Southeast Asia. Yes, makita ko rën si Juliet! Singgit ko sa akën kaugalingën."
Archive: Languages
“Sa Malawid nga Panahon Pagkatapos ka 22 Anyos” (Katapusan nga Bahin) ni Elma “Nenen” Ayson-McKeown
Ang Una nga Ginbisitahan kag Nakilala Sa ubos lang ang balay nanda ni Wyatt, ang bata nga akun ginabantayan. Bisan dulum run ang hapon nagpanaw kami ni Manang ko para magbisita sa pamilya Blier. Dara man namun ang ana nga iturugro kananda halin sa Hawaii. Masadya gid kay pagsulod namun wara kami ka panuktok sa…
Ang Istorya kang Paghigugma kang Bata kang Aswang ni John Iremil E. Teodoro
Ang Istorya kang Paghigugma kang Bata kang Aswang Ginpangaranan tana ni Tatay na kang Remedios suno sa ngaran kang patron kang Malate kag Maybato— Nuestra Señora de los Remedios—sangka persona ni Santa Maria, Ilóy kang Diyos, nga tagmidyos sa mga kinahanglanën sa kabuhi kang mga mangingisda kag mangunguma kang sangka baryo nga nagtuhaw sa tënga…
Continue reading ➞ Ang Istorya kang Paghigugma kang Bata kang Aswang ni John Iremil E. Teodoro
Gugma Ko kag Ginamus ni Graciel Anne Lampasa Sedavia
Gugma Ko kag Ginamus ni Graciel Anne Lampasa Sedavia Ang paghigugma ko daw pareho lang ka ginamus. Manamit ilangkay kapin pa kon kita imaway. Indi ko gid matago hay dya nagapanimahu. Pero ikaw nanamian hay pareho 'ta nabatyagan. Pero pareho kang ginamus ang gugma ko nabuut: indi makasungaw - ginahuput ang kahidlaw.
Lao kang Uma kag Snow kang Amerika ni Jesus Insilada
May isa ako ka larawan nga gin-post ko sa Facebook: Madamol ang suksok ko nga dyaket kag nagatindog ako sa snow nga nagabanig kang malapad nga wayang. Dyang selfie buol sa durulogan kang Catbus nga libre nga nagadul-ong kanamon nga naga-audit kang courses sa Clemson University bilang International Leaders in Education Program (ILEP) scholars, tuig…
Continue reading ➞ Lao kang Uma kag Snow kang Amerika ni Jesus Insilada
Balay Sugidanun 