Sang nakita naton ang ginpinta nga mga bulak
Nagpati kita liwat sang paglaum—
Isa ka korus ginkanta sa mga duag:
Ritmo sining porma sa iya sulodlan
Kag ugsarang nagtuhaw sa bintana.
Nagpati kita liwat sang pagkahingpit—
Dihon nga gin umpisahan
Sang bag-o nga tinuga
Namukadkad sa aton pagkatawo.
__________________________
Si Lucell Larawan Associate Professor sa Department of Business Administration sa Central Philippine University, Iloilo City. Isa siya ka visual artist kag naka-exhibit na sa Museo Negrense sa Bacolod kag UP Art Gallery sa Iloilo. Sa patag sang sculpture, duha na siya ka beses nangin semi-finalist sa Metrobank Art and Design Excellence Award. Miyembro siya sang National Committee on Visual Arts (2010-2013) sang National Commission for Culture and the Arts (NCCA) sa diin isa man siya ka trainer sa Artist for Crisis Program. Duha na ka tuig nga nagahiwat siya sang visual arts training para sa mga indigenous people (IP) sang Panay kag nagatigayon sang ila visual arts festival paagi sa Kalinawa Art Foundation. Nagasulat man siya sang kolum sa The Daily Guardian.
Balay Sugidanun 