Litrato halin sa Lin-ay kang Antique, Inc.
Magaimaw ako sa Lin-ay kang Antique (LKA), Inc. sa paghatud kang andang book drive nga may titulo “Libro para sa mga Bata nga Antikenyo” (Readers are Leaders) Tuig 2 sa Pebrero 11, 2012 sa Panlagangan Elementary School sa Sibalom, Antique.
Parehas man kang atun handum – handum natun tanan – nga atun ginatinguha himo sa magamay kag kongkreto nga mga pamaagi, ginatuyo kang Lin-ay kang Antique, Inc. nga makabulig sa mga publiko nga eskwelahan. Sa pagdara kang libro, sa pagbasa-istorya kadya, nagatubo kag nagabaskug ang luyag kang kabataan sa pagtuon. Ang maaramon nga indibidwal manggad kang pamilya, kang komunidad, kang pungsod. Ilabi na kon ginagamit dya sa mayad.
Dagyaw kita!
Para sa dugang nga impormasyon, bisita sa https://www.facebook.com/lin.ay.kang.antique.inc
Balay Sugidanun 