Follow Balay Sugidanun on WordPress.com
—Ephesians 6:1-4
Sa akun naeksperyensiyahan bilang isara ka bata kang akun Tatay kag Nanay, ang anda nga pagtudlo kanakun akun man ginatudlo sa akun kabataan. Isara na gid ang pagrespeto sa tanan ilabi na gid sa ginikanan. Ang hambal nga “Indi magsabat sa ginikanan” kag “Uhod kag Indi lang ang isabat.” Tama nga pagtudlo bisan pa nga may irason ikaw maghipos ikaw lamang kay wara ti gamo pa kag indi makumus ang imo baba ukon indi ikaw masinggitan. Ang tatlo ko ka mga bata akun man gid gintudloan sanda nga magrespeto sa ginikanan halin kang bata pa sanda. Tungud nga kag kapin pa magagmay sanda kang ako lamang ang nagaisarahanun bilang Tatay kag Nanay nanda sa pang-edadun nanda katu nga 11, 8, kag 4. Salamat sa akun mga ginikanan nga natanum ang sugo kang Dios sa akun tagipusuon kag ginapaambit man ang sugo sa akun mismo kabataan kag sa iba pa nga kabataan, amigo, amiga kang akun kabataan kag sa mga bata nga akun ginbantayan ilabi na gid kadya sa kay Wyatt Eco Blier.
Ang pagrespeto ang isara sa pito ka virtues nga dapat natun ikabuhi parehas kang pagpatawad, pagpalangga,kag pagpakamaayo. Kon matun-an dya kang bata samtang gamay pa, budlay gid madura bisan bahul dun. Malisud ang mangin ginikanan gani tugruan gid natun ka pagtahud ang mga ginikanan. Husto gid ang akun mga ginikanan sa dyang pagtudlo.
Kinahanglan man gid ang mga ginikanan ang mangin ehemplo kadya para madali sa mga bata ang pagsunod.
Kon ginarespeto mo ang imo ginikanan, makita dya kang imo kabataan kag ikaw man respetuhon nanda bilang ginikanan. Kon ang imo pamilya wara nagasunod sa tradisyon sa pagrespeto sa ginikanan, ikaw ang mag-umpisa para sa masunod kag duru pa nga henerasyon. Mapalarun gid ang imong pamilya kon mahimo mo dya.
Ang akun pangamuyo: Amay, tuguti ako maumpisahan ang pagrespeto Kanimo nga akun Amay sa langit. Salamat sa ginikanan nga Imo gintugru kanakun. Salamat sa regalo kag pagtudlo gindulot sa akun kabuhi paagi kananda. Tudloan mo ako sa pagpatawad sa ginkulang bisan sa pagpangamuyo nga ang akun mga kabataan kag ang iba makapatawad man. Buligi kami nga makita ang mga ginikanan nga magarespeto man sa anda mga kabataan kag giyahan nga makatugru man encourage kag pagpasalamat kananda, sa amun Ginuo Jesus, Amen.
Balay Sugidanun 
salamat niece inday Mary Beth sa komento.matuod man gid ang mag-umpisa pagrespeto sa kaugalingon kag madara ang tanan sa palibot mo ang kaayad pagrespeto sa kada isara..halin sa mga kabataan hasta sa mga mal-am. ang tinaga kang Dios amo ang giya sa tanan..magsunud magsalig kag magtuman kalipay sa Ginuo.
LikeLike
Tuod ria Auntie Nen.. kon ano gintudlo ta sa aton kabataan madara gid nila kag hindi malipatan, ang pagrespeto isara ka importante. Tudluan kag ipakita sa bata kon paano kita magtatap sa aton ginikanan, for me it is the best example nga madara kag ma apply nila sa kabuhi nanda kag paano mag respeto man sa iba nga elders. Kag kita man nga parents respetuhon ta man ang mga bata ta or ang ulihing tubo. Ang pag respeto naga umpisa man ra sa kaugalingon ta mismo.
LikeLike