Panginbulahan sa mga tagdaug sang PADYA IYAS nga gintigayon sang Special Projects Office ni Dr. Elsie Coscolluela sang University of St. La Salle-Bacolod sa bulig sang National Commission for Culture & the Arts (NCCA).
Sa kategorya sang Binalaybay, ang Una nga Padya naangkun ni Gil S. Montinola sang Mina, Iloilo sa iya koleksyon nga “Mga Nagakalain-lain nga Ingos nga Mabatian Mo sa Uma.” Magabaton sia sang 7,500.00. Nabaton naman sang duha pa ka taga-Iloilo nga sanday Marcel Milliam sang Mandurriao sa iya koleksyon,“Kon Ngaa Kinahanglan Magsulat sang Binalaybay sang Paghigugma” kag Norman Darap sang Tubungan sa iya “Pagtimalos sang Langit” ang Ika-duha nga Padya. Magabaton sila tagsa sang 5,000.00. Ang Pangatlo nga Padya naangkon ni Mary Rose Adelle Pacificar sang Jaro sa iya “Ang Pagpanglaba Kon Gab-i.” Magabaton sia sang 2, 500.00.
Si Fundidor Tipon II sang Villamonte, Bacolod ang tagdaug sang Una nga Padya sa Hiligaynon One-Act Play sa iya “Emo Trip.” Wala sang ginhatagan sang ikaduha kag ikatlo nga pwesto.
Hiwaton ang pasidungog sa Septyembre 11 sa alas 4:30 sa hapon sa Mini Auditorium, University of St. La Salle, Bacolod City.
Ang katapo sang mga hurado amo sanday Dr. Genevieve L. Asenjo, Dr. Alice Tan-Gonzales, kag Prof. John Iremil Teodoro.
Balay Sugidanun 