Skip to content

March 17, 2011

2

Magagaling na Unang Aklat (2008-2010)

by Pangga Gen

Kantilaho ni Joseph de Luna Saguid
UST Publishing House, 2009
Tula. 54 pahina
Finalist, 2010 Madrigal-Gonzalez Best First Book Award

Nanunuot sa mga hibla ng kamalayan at pandama ang Kantilaho ni Joseph de Luna Saguid dahil isa itong maingat at mahinahon na tinig ng mapanuring mata. Nasalat niya, naharap, at naunawaan ang sariling Kantilaho. Kaya ang pagdating ng kanyang mga salita sa atin, “Uunahan natin ang dilim/bago nito tuluyang angkinin ang ating katawan,” ay isa ring “huling hininga sa dambana/ng mundong nagnanasang/manumbalik sa kadalisayan ng salita.” Gagap ng makata ang tradisyon at mulat sa pangangailangang inobasyon. Higit sa lahat, nakaugat siya sa kanyang pinanggalingang lupa at dagat, gayunman, nakakalipad sa naangking galing sa pananalinghaga, na sa huli, ang minahan sa Sta.Cruz ay “hukay sa hukay” sa buong mundo.

Batbat hi Udan ni T.S. Sungkit Jr.
Imprenta ng Central Book Supply Inc.
Nobela. 215 pahina
Finalist, 2010 Madrigal-Gonzales Best First Book Award

Kung may tiyaga ka, tulad ng isang bagani, makikilala mo, maririnig, maaamoy ang mga lumang imahen, pangalan at pamilyar na lugar sa nobelang ito. Nariyan lamang sila ngunit naisantabi. Ito ang Batbat hi Udan ni T.S. Sungkit Jr. Isang hamon na makipagsapalaran sa mga “lihim na lagusan” at daigdig at maghanda sa pakikidigma kasama ang mga “lumilipad na apoy” at mababangong bulaklak, hanggang maging isa ka ring “pinakamalakas na bagani.”

Ginugulantang tayo ni T.S.Sungkit Jr. sa ating pagkalimot.
Ang pangkat ng mga bagani sa nobela ay ang banwa, ang bayan, ang bansa. Tayo mismo.
Nagkataon lamang na isang Higaonon ang manunulat. At anong tapang, anong galing ang pagkukuwentong ito!

Abangan ang mga dagdag na libro sa susunod na linggo!

(Maraming salamat sa U.P. Institute of Creative Writing sa pag-imbita sa akin bilang judge, kasama sina Prof. Rolando Tolentino at Prof. Luna Sicat, sa 2010 Madrigal-Gonzales Best First Book Award noong Disyembre 2010.)

2 Comments Post a comment
  1. Sep 2 2011

    Grade A stuff. I’m unquesotniably in your debt.

  2. jenny m
    Mar 22 2011

    Batbat hi Udan is amazing! Ang saya ng klase namin sa panitikang Filipino nang i-discuss ng prof namin to. Sana dumami pa ang mga katulad nito na novels.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Note: HTML is allowed. Your email address will never be published.

Subscribe to comments