Skip to content

March 2, 2011

9

“Nakabubuti ba o Nakasasama ang Pagpapalaganap ng Paggamit ng FACEBOOK?”

by Pangga Gen
th_facepooks

PAKSA:NAKABUBUTI BA O NAKASASAMA ANG PAGPAPALAGANAP NG PAGGAMIT NG FACEBOOK?

MGA MAMBABALAGTAS:
Panig ng NAKABUBUTI: CARLITO REYES II
Panig ng NAKASASAMA:CHRISTIAN SIY
Papel ng LAKANDIWA

LAKANDIWA:
Ako ay bumabati
Na may malaking ngiti
Sana may umintindi
Sa aking sinasabi

Facebook ating usapan
Laganap sa’ting bayan
Minsa’y Kinagalakan
Minsa’y pinagdudahan

Kaya tayo’y narito
Para na rin i-klaro
Pag-usapan ng husto
Sa paraang pagtalo

NAKABUBUTI

Wala ka bang makausap
Walang sayang malasap
Ay alam na ang dapat
Na ibigin mong sapat

Sa mundo ng pag-Facebook
Hindi ka magsisisi
May makakasalisi
Kaya’t dapat lumahok

Ikaw ba’y nalulumbay?
Lungkot na walang humpay
Kulang sa kaibigan?
Talagang Facebook lang iyan!

Pansin ba ang habol mo?
Talagang matatamo
Pang KSP kasi ‘yan!
Puro “like” dito, “like” dyan

Mabuti ngang KSP
Tulay ‘to sa pagdami
Ng iyong mga koneksyon
Important ‘yan ngayon!

Ang dating kaibigan
Muling madaraanan
Dating pinagsamahan
Muling makakamtan

Pano ang mga kaibigan
Sa States naninirahan
Facebook lang katapat dyan
Libre’t maasahan

NAKASASAMA

Ang Facebook daw ang tulay
Ang tulay ng ‘yong buhay
Na i-a-aabot-kamay
Kahit nga sa kaaway

Ngunit meron din naman
Cellphone’t e-mail para diyan
‘Di naman kailangan
Sa Facebook idadaan

Ito ay iyong dinggin
Hindi kayang talunin
Ng kahit ano pa man
Ang magharap-harapan

Ngunit d’yan tayo talo
Kung ikaw ay nagloko
Isang tag ng photo mo
Huli ka at kabit mo

Facebook agad malaman
Pag ika’y siniraan
May nagpapakamatay
Sirang-sira ang buhay

Tapos imbis maghapunan
Abuso sa pagimbak
Sa pekeng tinataniman
Katamara’y talamak

LAKANDIWA

Ang bibig na matalim
Itago ng malalim
Ng hindi makasakit
At walang hinanakit

Wala ngang absoluto
Hindi rin makaboto
Facebook ba’y nakabuti
Sa gumamit o hindi

Ngunit dapat tandaan
Pag Facebook inabuso
At nawala sa uso
Balik sa dating daan

Kaya’t wag lilimutin
Ang dapat na gawain
Para ‘yong mabalanse
Ng ‘di iresponsable

Para sa Klase sa ELECLIT (Literature Elective) ni Dr. Genevieve Asenjo. De La Salle University-Manila.
February 10, 2011. Sinikap isulat ang balagtasan sa paraang tanaga: isa pang tradisyonal na anyo ng pagtula na sumusunod sa 4 na linya, 7 pantig bawat linya.

May pahintulot ng mga estudyante.

Featured Imahe mula sa http://photobucket.com/images/facebook/#!cpZZ1QQtppZZ20

9 Comments Post a comment
  1. Sep 1 2014

    Salamat!

  2. Sep 1 2014

    balaysugidanun.com I love this site I will always your fan I love you and Thank you Very much!! ;)

  3. Sep 1 2014

    beautiful and great idea kahit maikli lamang naipakita ang kabutihan at masamang dulot ng facebook I like it so much thank you I will share it in my classmates and teachers!! :)

  4. Sep 10 2013

    Oo, kaya nasa atin din ang responsibilidad. Mas napabilis nga at napadali ang maraming bagay.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Note: HTML is allowed. Your email address will never be published.

Subscribe to comments